Sunday, April 14, 2024
28.8 C
Port-Vila
Sunday, April 14, 2024
More

    Sik malaria hemi stap kam antap moa

    Plan blong eliminatem mosquito long Vanuatu bae hemi nomo happen long 2026 olsem weh hemi stap long National Malaria Elimination Strategic Plan.

    Hemia hemi folem hae namba blong malaria kes raon long Vanuatu.

    Malaria program long Vanuatu, anda long Depatmen blong Helt, hemi kat wan National Malaria Elimination Strategic Plan blong tekem aot sik malaria raon long Vanuatu.

    Hemi wan 5-yia plan stat long 2021 kasem 2026.

    National Program Kodinata blong Malaria, Wesley Donald, i talem se bae oli movum elimination plan ia from i stil kat inkris long ol kes blong malaria long olgeta provins.

    “Tingting se long 2023, bae umi rijim 0 lokol kes, mo Tafea hemi stap long trak blong pruvum hemia. Olgeta oli bin ajivim 0 indigenous kes mo oli waepem aot malaria long 2017,” Mr Donald i talem.

    “Ikat Tropikol Saeklon we hemi stap mo hemi contribute tu long hae namba blong kes, long yia ia namba blong kes hemi ko antap, yumi kat moa namba blong ol kes we hemi kam aot long Sanma Province, ova 800 kes, mo Torba hemi ova long 600 kes.

    “Blong yia ia Januari kasem naoia ikat ova long 1,500 kese i stap.”

    Mr Donald i talem se tim hemi stap lukluk blong muvum yia blong elimination aot long yia 2026 iko long yia 2028.

    “Long 2025, everi provins i mas kasem zero (0) indigenous kes, everi provins i mas wok tugeta blong katem daon ol namba blong sik malaria blong rijim target elimination long yia 2025,” hemi talem.

    Hemi pointem aot tu seh ol malaria unit raon long wol, ikat plan blong aotem malaria long yia 2030 mo vanuatu long 2028.

    Mr Donald hemi talem tu seh, mein jalenj blong olgeta naoia ,hemi sam long olgeta medicine long ol health centa long ol aelan oli damej follem Saeklon Lola, mo bae eni sik hemi saveh spread includum malaria.

    Mo wetem hemya, ikat wan 1 wik wokshop weh i lukim every malaria unit long ol 6fala provins mo ol health stakehold oli stap tugeta blong diskasem ol malaria keses long each aelan blong provins.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen