Sunday, April 14, 2024
24.8 C
Port-Vila
Sunday, April 14, 2024
More

    Semi faenol blong ABM kap hemi set finis long wik ia

    Olgeta tim we i kwalifae blong Semi Faenol blong Au Bon Marche (ABM) Kap igat Galaxy Futbol Klab, Erakor Golden Star fc, Ifira Blak Bird FC mo Mauriki FC.

    Olgeta strong klab long Port Vila bae oli foldaon long Semi Faenol playoff long weekend ia.

    Hemi folem resalt blong Quata Faenol we i lukim Ifira Blak Bird FC i winim Naka long 4 – 1 mo olgeta nao oli dominetem maj ia.

    Mo las Quater Finals maj long wik ia i stap bitwin Tafea Futbol Klab we i ple vesem Mauriki Fubol Klab.

    Maj ia i bin karem plante futbol sapota blong kam wajem impoten gem ia.

    Long fes haf Mauriki FC nao i openem sko bod fes wan taem Barry Mansale i sutum wan naes fri kik mo ko stret long net blong Tafea FC mo putum fes haf Mauriki FC i stap lidim long 1 – 0.

    Seken haf i lukim Mauriki FC i kam blong skorem namba 2 point blong olketa long ol fes 3 minutes blong seken haf kasem ol las minute blong maj i kam blong vinis Tafea FC i kam skorem fes point blong olketa be point i no inaf taem Jeremy Garae i blu final wisil blong maj ia.

    Final sko Mauriki FC 2- mo Tafea FC 1.

    Wetem risal blong las wiken i lukim Erakor Golden Sta i bitim iCount Yatel FC long 2 – 0 mo Galaxy FC i winim Not Efate United FC long 2 – 0.

    Port Vila Futbol Asosiesen i putum aot vinis se ol semifinals blong wiken ia mo iko olsem Ifira Blak Bird FC bae i ple Erakor Golden Star FC mo nara semifinals Galaxy FC blong ple Mauriki FC.

    Tonamen ia emi sponsa tru long Au Bon Marcher taem oli kam blong makem 50 yia anevesary olsem bigfala supa maket sto long kauntri.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen