Ecole Sainte Therese hemi ranem ol Infomesen, Comunikesen mo Teknologi (ICT) trening blong ol tija long 2-wiks holidei blong ol student.
Tufala ICT tija nomo long skul oli kim trening long ol Primary mo Secondary tija ia.
Stamba tingting blong ranem ICT trening ia hemi blong bildim capacity long skul mo blong mek sua se ol wok blong ol tija oli stap sef online (Cloud).
Skul Prinsipol, Takataveti Rex hemi talem se skul hemi mek use long 2-wiks holidei blong ol student blong helpem ol tija we oli wantem lanem moa long ICT (komputa mo online trening).
“Yumi long Primary, most long ol tija blong yumi ol woman mo ol niu wan we oli kamaot long trening, ol tija ia wetem naoia oli kat skills blong ICT,” hemi talem.
“Be ol olfala tija we oli stap long field, hemi ples yanao we olgeta oli kat lack lem.
“Wetem ol risos we stap in place long skul nomo, yumi traem finem wan wei long hao yumi save kam in blong yumi putum ap ol tija we i nogat skills long ICT.”
Mr Rex hemi talem se oli wantem switch kolo online blong mekem sua se evri wok blong olgeta oli savem mo storem long Cloud i stap.
“Hemi wan tul tu we yumi stap enkarejem blong ol skul blong usum ol tul olsem.”
Hemi talem se long las yia, ofis blong hem i bin bon mo hemi lusum evri samting mo evri risos.
Long yia ia, Mr Rex hemi konfiden se bae oli wok blong protektem gud ol wok blong olgeta long cyclone o wan disasta mo “bae evri document blong mifala i save i stap sef.”
Long nekis wik bae oli lukluk long skul academy mo skul polisi we oli bin developem finis mo long yia ia oli wantem rollem aot blong oli save analysem ol ripot blong ol pikinini long term 1.
