Sunday, April 14, 2024
24.8 C
Port-Vila
Sunday, April 14, 2024
More

    Pua Vodafon netwok long Utas vilij- Saot Ist Ambrym

    Problem long netwok blong Vodafone hemi wan samting weh i stap afektem bigwan olgeta pipol blong Utas Villej long Saot Ist Ambrym.

    VBTC i bin toktok long Vodafone mo oli talem se koneksen hemi shud oraet nomo.

    Utas Villej i bin kasem problem ya finis long bifo las wik, VBTC i bin lanem hemia tru long wan man weh i bin call i kam long Vila.

    Hemi talem se isu weh oli stap long hem naoia i stap kosem olgeta blong mas ko long hae graon mo long sholine blong oli saveh mekem ol kol.

    “Sins taem weh mifala stap usum netwok ya blong Vodafon, mifala stap long eni ples, yu stap long kijin, yu stap long karen, yu save usum, kasem long taem ya weh naoia mifala i faenem i had lelbet ya, mi undastandem se i gat ol narafala aelan weh i stap ko tru long sem samting, so mi olsem wan lida, mi wantem se olgeta long Vodafone compani plis helpem mifala.” Jimmy Larry i talem.

    VBTC i toktok wetem, Samuel Edward we i stap olsem Road Show Codinata blong Vodafone netwok sevises, mo hemi talem se i no shud gat eni isu long Saot Ist Ambrym naoia.

    Hemi talem se olgeta blong Saot Ist Ambrym i stap usum netwok blong mobile site long Paama.

    Mo hemi talem i gat fulap narafala problem we i save kosem issue ya.

    “Planteh long ol rurol saet i stap usum sola, hemia hemi minim se hemi depen long sun taem hemi up, mo kaen weta olsem hemia i stap putum fulap stres long pawa sistem, long olgeta ples weh olsem top blong hil mo ol eria weh sun i no save touchem.”

    Mo hemi talem tu se mos impoten blong olgeta i luk aotem hemi pawa, blong save pawarem olgeta netwok blong ol.

    “So plenti long olgeta isu hemi stap depen long pawa mo transmisen blong ling i ko, in oda blong yumi linkim ol saet ya, i mas gat pawa blong save intaseptem koneksen.”

    Taem hemi stap blong olgeta long Vodafone blong oli saveh faenem aot wanem ya nao i stap kosem isu ya.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen