Investigation i ko hed folem wan video we i stap ko raon long fesbuk we i luk wan woman i stap mekem violens(kilim nogud) againsem wan gel.
Commander Sanma, Chief Inspector David Bong i konfemem long VBTC Nius se polis i stap mekem investigation hemi wan prioriti blong stopem kaen fasin olsem blong i nomo hapen long komuniti.
“Woman we i involve long insiden ia hemi no festaem blong hem blong mekem fasin ia long wan nara man, Polis i faenem aot se hemi bin kat sam serious ripot vinis we hemi bin mekem long sam yia i pas,” Mr Bong i talem.
“Wetem gudfala wok tugeta we Polis i kat wetem Child desk i mekem oli save faenem ples mo kasem woman ia we i involv long insiden ia.
Commander Bong i asurem pablik se investigation i stap ko hed.
VBTC Nius bae i apdeit.
