Polis i stap apil kolo ol Jif long komuniti blong Eratap blong oli mekem gud wok blong adresem isu blong violens we ol yangfala stap mekem.

Folem wan killing we samfala yut oli bin mekem long wan yangfala las manis, Polis i faenemaot se fasin blong ol kriminol akvititi long komuniti hemi kam bigwan from ol Jif oli no stap mekem gud wok blong olgeta.

Deputi Komanda South mo semtaem Ofisa in charge blong Port Vila Wod, Glen Nicholson hemi talem se long wan miting las wik, Polis hemi toktok wetem ol Jifs mo blong harem ol tingting blong olgeta mo finem ol mein risen blong isu ia.

“Mifala kam diskas, mifala givim sam tingting long olgeta and then mifala kimbak i kolo ol komuniti lidas blong oli kam ap wetem sam tingting,” hemi talem.

“Ol solusen, ol wei fowod, hao nao bae oli minimisem ol kriminol activities we i stap happen insaed long eria blong olgeta.

“And then afta long ol diskasen blong olgeta we hemi stap on tis taem, bae oli kambak blong talem long mifala wanem nao ol rod o ol wei fowod we oli tinkse komuniti blong yumi long Eratap oli save wok folem.”

Paramount Jif blong Eratap, Jif Andrew Willie hemi talem se kaonsel blong ol jif naoia hemi drop bigwan mo ko moa nogud mekem se ol kaen yut violens ia hemi save tekem ples.

Hemi kivim ol eria we ol Jif mo komuniti lida oli slak lem mo mas kambak strong bagegen mo oli kam long wan solusen blong stopem fulap kaen activity ia.

“Komunities blong faev fala provins oli decide blong oli setem ap kaonsel bagegen iko bak long ful fos blem we bambae hemi kamaot long tis coming Sunday, Midday.

“Mesej nomo we mi stap kivimaot long olgeta yuts we oli liv long eria, sapos yu we istap mekem problem, yu mekem sua se yu givim respek blong yu kobak long kaonsel mo yu ko along wetem olgeta laws blong kaonsel, wanem we Jif hemi putum.”

Jif Willie hemi wantem se bambae hemi namba 2 mo las wan we oli lukim wan crime insiden i save happen long Eratap komuniti.