Sunday, May 19, 2024
29.8 C
Port-Vila
Sunday, May 19, 2024
More

    Ova VT2 bilion blong niufala Port Vila Central Police Station

    Australian kavman hemi givim ova VT2 bilion blong bildim niufala Port Vila Central Police Station Project.

    Niufala polis station ya bae hemi redy afta long 2 yia taem.

    Hemi ova long 20 yia nao weh Port Vila bae hemi kat wan niufala polis station.

    Risen hemi from, long 2018 kasem 2021 karent polis station long Port Vila taon, i bin kat wan assesmen long saet blong strakja blong bilding mo oli faenem aot seh bilding ya hemi no sef.

    VBTC nius hemi toktok wetem Commissioner blong Vanuatu Police Force, Robson Iavro, mo hemi talem seh afta weh niu polis station hemi kam unatp, plan hemi stap blong oli salem aot karent polis station long taon.

    “Bilding ya bae hemi moa moden, bae hemi saveh akomotatem ol karent nids blong polis, long hao umi sta adresem ol ricen mo fuja craem.

    “Tekem wan exampol, ol forensik capabiliti bae hemi wan samting weh bae yumi bildim long tisfala niu vaciliti, from long olfala vaciliti yumi nokat gud equipmen, gud spes, blong umi dil wetem ol fuja craem, so niu vaciliti ya umi accomodatem fulap nids blong karent kian blong craem weh i stap affectem youmi.”

    Komisina Iavro i talem tankiu long Australian Kavman from sapot ia.

    Fesfala wok hemi tekem ples weh i lukim laying blong foundation ston.

    “Nekis fala step weh bae hemi hapen hemi bae oli mekem ol testing long kraon, taem hemi finis, bae youmi ko tru long tenda proces, kavman blong Australia tru long wan prokram bae oli wok long hemya mo bae hemi tekem araon 6 manis,” Komisina i talem.

    Prime Minsiter, Hon. Charlot Salwai hemi pointem aot seh polis i mas operate long framewok blong law mo mas respektem raet blong wan wan man.

    “A new Police Station for the city of Port Vila will contribute to providing safe, friendly, peaceful and healthy environment for its citizens and visitors who seek for police assistance whenever they are in need.”

    Long spij blong Austalian High Commissioner lo Vanuatu, Her Excellency Heidi Bootle, hemi talem seh niu polis station ya bae ikat ova long 160 polis ofisa bae i stap blong kivim ol difren kian seves long ol pipol mo insaet long station ya bae ikat seves blong Vanuatu Women’s Centre mo pipol wetem specel nid.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen