Igat kol blong ol woman i mas go tekem test blong kansa.

Tri (3) Days Elimination blong Cancer Long Nek Blong Basket Blong Bebe or cervikol kancer ,screening long Maurifanga Health Centa hemia long vilij blong Mele i lukim wan gudfala turnaot.

170 woman oli pass blong tekem Human Papapillomavirus or HPV screening blong cervikol kanca mo aot long namba ia Helt Tim i identifyem 27 patients mo oli statem tritmen.

HPV hemi wan vacine weh oli usum blong stopm cervical kancer.

Jocelyn Kalkandi hemi Midwife blong Maurifanga Health centa.

“Taem mefla i detectem ol 27 patient ya mefla i kivim tritmen tu semak taem, ikat screening, kolectem specimen, mefla ranem test mo tekem result tu long semak taem.

“Ikat 27 weh oli detektem, seh oli hat HPV virus.”

Midwife i talem tu seh oli referem 3 iko daon long Vila Central Hospital blong karem further tritmen.

Hemi pointem aot tu seh ol woman oli nomas fraet blong tekem HPV screening mo hemi impoten blong tekem HPV screening blong sefem laef blong u.

“Taem umi stap olsem spos ikat HPV virus hemi present wetem youmi, bae youmi nosaveh seh hemi stap wetem youmi.

“Bae youmi no luk eni saen or eni abnomol saen,taem youmi stap luk ol abnomol saen, hemi late finis ya nao.

“Hemi gud blong youmi kam screen eli, blong detektem eli HPV virus, afta youmi mekem tritmen blong mekem seh youmi no lusum ol woman long age 30-54 yia.”

Shefa Health Office hemi talem seh service osem hemi veri importen blong saveh helpem olgeta woman blo earli deteksen mo tritmen we hemi avoidem ded.

Vanuatu Ministri blong Health mo World Health Organization hemi plan blong tekm aot cervical kancer long Vanuatu long yia 2030.