I gat lukluk se bai Vanuatu hemi experiencem wanem oli singaotem Coral Bleaching long manis Disemba ya.

Hemia hemi taem olgeta rif long solwota blong kaontri bai i kam wik mo oli save ded.

Klaemet Divisen blong Meteo Dipatmen i talem se Vanuatu i stap long wet sisen we hemi semtaem saeklon sisen blong hem.

I mekem se tempreja blong groan mo solwota bai i kam moa wom kompea long ol manis we i pas.

Mo bai renfol hemi bitim nomol.

Divisen i advaes se bai oli gohed blong monitorem klaemet blong Vanuatu long taem naoia.