Sunday, May 19, 2024
24.7 C
Port-Vila
Sunday, May 19, 2024
More

    Niu offis blong helpem ol pipol blong karem helt tritment long India

    Offisa blong Medivisa India Tritmen, Direkta blong Medivisa India Tritmen Kumar Sushant mo Kantri ripresentatif Jack Semeno. Foto: VBTC

    Direkta blong Medivisa India Tritmen, Kumar Sushant emi kam visitim Vanuatu long wik ia blong mitim olgeta helt offisol blong Kavman mo kivim ol awenes iko long pipol.

    Mr Sushant emi talem se Vanuatu emi kat wan bigfala nid blo impruvum helt seves blem.

    “E kat fulap tritmen weh e nogat long Vanuatu olsem hat sugery, kni sugery, hip replesmen mo kidney transplan.”

    Hemi talem seh wok blong olgeta emi blong givim ol medikol tritmen lo ol sikman weh kantri blong olgeta nosave sapotem olgeta.

    “India emi wan gufala ples blo karem medikol tritmen fromse emi jip bitim ol nara bigfala kantri long Pasifik mo emi givim kwaliti mo kwik seves long ol sikman.”

    Mr Sushant hemi hapi blong ripot tu seh olgeta e kat wan niu offis weh e open long manis blong Oktoba mo e stap long Platinere.

    Hed offisa mo kantri ripresentatif weh pa lukaotem offis emi Jack Philip Semeno weh hemi bin travel too kolo India blong mekem ko tru wan hat sugery long manis blong Julae long yia ia.

    Mr Semeno e talem seh blong aplae from wan medikol tritmen blong kolo India, pa memba blong pablik e mas pass long offis o hemi save sendem wan emel mo medikol ripot blem blong save hamas mane e nid blong spendem.

    “Niu offis blong yumi pa saveh helpem sikman blo mekem VISA blem mo taem pepa blong yu emi redy pa tekem wan wik nomo blong yu saveh flae aot kolo India.”

    Long wokbaot blong Mandei, Direkta mo kantri ripresentatif oli bin visitim hospitel blong yumi mo ol helt ofisols blong Kavman blong toktok moa mo serem sapot blong helpem helt seves blong Vanuatu.

    Direkta Sushant emi askem ol pipol blong kam fowod long wan awenes tudei long Tuesdei numba 28 long Konvensenol Senta lo 11 long morning kasem 1 long aftenun long Port Vila.

    Pa tim blong India helt tritmen pa e runem blo givim fulap awenes mo pa kat tu ol sikman weh oli ko from medikol tritmen long India weh pa oli toktok mo serem storian blong olgeta.

    Medivisa India Tritment emi wan helt kampani weh e sapotem fulap kantri lo wol long saed blong kivim medikol tritmen long wan sikman long India.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen