Ol aelan long Not mo sam long Sentrol Vanuatu bae oli kat wan patli klaodi kondisen tudei wetem smol ren i save foldaon.
Vanuatu Meteorology mo Geo-Harzads Dipatment i talem se mbe long ol narafala pat blong kaontri, bae i gat smol janis blong smol ren bae i save foldaon.
Dipatmen ia i talem se laet win bae i bloa long is mo saotis truaot long Vanuatu.
Hem i talem se top tempereja long dei blong tedei bae hem i ko kasem 26 dikri daon long Saot mo 30 dikri antap long Not. Tempereja long tunaet bae hem i stap long 18 dikri daon long Saot mo 25 dikri antap long Not.
Long solwora, win bae i bloa long is mo saotis wetem spid blong 16 kasem 20 knot. Solwora bae i raf mo haet blong hem bae i ko kasem 2.0 mita, hem ia long everi open solwora long ol kostol eria long Vanuatu.
