Thursday, June 13, 2024
25.8 C
Port-Vila
Thursday, June 13, 2024
More

    Namba blong mental helt kes hemi inkris

    Ikat inkris blong namba blong mental helt kes long kaontri.

    Tim blong mental helt long Vila Central Hospital (VCH) hemi konfemem problem ia wetem VBTC Nius.

    Olgeta expert i talem se mental helt long Vanuatu hemi involvem pipol blong eni grup mo age. Hemi wan silent problem we plante pipol istap lukim.

    Ofisa injaj long Mental Health Unit long VCH, Lawrence Hinge, hemi talem se ikat inkris blong mental health siknes hemi from oli nokat akses long mental helt seves mo oli nokat wan kudfla connection blong ol wetem famli or komuniti.

    Hemi talem tu se follem law evriwan hemi kat human raet, mo team hemi no save fosem wan wan blong kam pas long klinic.

    “Mifala kat fulap approach we mifala stap dil wetem, so mifla i rispecktem raet blong olgeta mo baondri blong olgeta,” Mr Hinge i talem.

    “Wanem we mifala i mekem, mifala trainem ol komuniti lida long ol eria weh ol pasient oli stap slip long hem, so komuniti ya bae hemi identifiem ol parent we oli lukoutm olgeta, mo olgeta bae oli karem pasient hemi kam long mifala, bae mifala luk ale mifala stap mekem ol follow up long pasient blong helpem hem.

    “Be otherwise blong mifala fosem pasient blong karem hem i kam, mifala no wantem brekem relationship we mifala kat ya wetem pasient, or bae pasient i luk mifala olsem wan enemi or bae hemi fraet long mifala.”

    Mr Hinge i talem se plan blong bildim wan vaciliti blong kipim ol mental helt pasient insaet hemi no stap long plan.

    Hemi talem se Vanuatu hemi wantem practisem wan difren laefstyle kompea long ol bigfala kaontri.

    “From nomo se yumi no wantem kipim wan man or wan pasient long wan spes we blong bae hemi misim relationship we hemi bin kat wetem famli blong hem, sapos yumi brekem daon coneksen ya, then lo nata end bae pasient hemi stap developem wan difren samting bakeken,” Mr Hinge i talem.

    Hemi addem tu se ikat shortej blong spes, mani mo inokat inaf human resos.

    Wetem hemia, tim hemi tingbaot tu World Mental Health Dei we hemi stap tekem ples evri yia long namba 10 Oktoba.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen