Sunday, April 14, 2024
24.8 C
Port-Vila
Sunday, April 14, 2024
More

    Mosen namba 3 blong no confidens agensem praem minista

    Oposisen blog hemi putum wan mosen blong No Confidens agensem Praem Minista, Hon. Charlot Salwai Tabimasmas yestedei aftanun wetem signature blong 9 Memba blong Palamen.

    Hemi namba 3 mosen nao we Oposisen hemi putum agensem PM Salwai long taem blem long Kavman.

    Mova blong Mosen ia hemi Lida blong Oposisen, Hon Ismael Kalsakau Maukoro blong Port Vila Konstituensi mo Sekanda blong Mosen ia hemi MP blong Ambae konstituensi, Hon. Jay Ngwele.

    Long mosen, Oposisen hemi listem 5 mein samting agensem PM Salwai we hemi folem kes blong Jack Mackerel we putum wan bigfala risk blong mane long Kavman.

    Decisen blong Praem Minista blong i kipim posisen blo Minista blong Edukesen long wan critikol taem hemi mekem fulap man kat 2 tingting long lidasip mo accountabiliti blem.

    Oposisen hemi putum se ino kat wan gudfala ripot mo infomesen blong ol lawya oli defendem kes blong Jack Mackerel mo resalt blem hemi hao bae Kavman mas agri long wan amaon we bae lusum ova VT8 bilien long Kavman badjet.

    Nara risen blong mosen hemi failure blong Praem Minsta blong kipim ol desisen blong Kaonsel blong Minista folem Limited Tenda proces blong Vanuatu Intanasonal Shopping Registry.

    Mosen i talem se Praem Minista hemi no givim gud advaes long Ministri blong Infastrakja mo Pablik Utilities (MIPU) mo Vanuatu Maritaem Seves Atoriti (VMSA) blong folem desisen bong COMs.

    Namba 3 risen hemi from Praem Minista hemi bin givim wei long olgeta ovasea folem citizensip prokram we mekem i had blong kauntri save winim bak mane mo desisen ia hemi sapotem korapsen.

    Wan nara risen hemi hao Praem Minista i contribute long instabiliti blong kauntri from distrust long ol memba long Kavman we oli wokem reshuffle mo oli removum Rural Development Party (RDP) long cabinet blem.

    Last risen we hemi namba 5 long mosen ia hemi from Praem Minista hemi stap mekem desisen we inogat propa consultasen wetem olgeta Kaonsel blong Minista.

    Desisen ia hemi lid iko long moa instability mo disuniti long Kavman saed, ol exampol hemi permanen residency prokram mo appointment blong sekon deputi spika olsem jeaman blong Feeda rod.

    Long fes Extraodineri Palamen tudei, Minista blong Epi mo Spika blong Palamen, Hon. Seule Davidson Simeon hemi talem se Mosen namba 3 blong No Confidens agens Praem Minista hemi stap in oda mo Palamen bae hemi lukluk long hem long Tasdei nekis wik long namba 29.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen