Ministry blong Health (MOH) hemi lonjem seken dose o namba tu stik blong sik measles long kaontri.

Long fesfala rollaot blong stik measles, pikinini hemi saveh karem stik long wan yia nomo beh naoia MOH hemi lonjem seken stik blong measles weh insaet long stik ya i protectem pikinini long 3 sik weh hemi, measles, mumps mo rubella or MMR.

Seken stik ya pikinini hemi saveh karem long 1 yia 6 manis blong hem.

Vanuatu hemi las kaontri long wol blong risivim vaksin blong MMR.

Chief blong Vanautu Field Ofis blong United Nations International Children’s Emergency Fund (UNICEF), Eric Durpaire, hemi pointem aot seh long yia 2021, kolosap 130,000 pipol raon long wol oli ded from sik measles, mo bigfla namba blong ded ya hemi ol pikinini age unda 5 yia mo fulap long olgeta oli no tekem stik blong measles.

“Measles have an outbreak in the Pacific almost every year, would there be an outbreak in Vanuatu,it will be a big problem because only 70% of the children are vaccinated against measles.

“In order to protect everyone to prevent the spread of the virus, you need 95% of vaccination.”

Hemi toktok long behaf blong UNICEF mo World Health Organization (WHO) seh sik blong measles hemi wan rapis sik weh hemi saveh kilim tet ol pikinini.

Hemi talem tu seh vaccine ya hemi sef from hemi helpem body blong faetm disis ya.

Direkta blong Public Health, Jenny Stevens, hemi talem seh lonjing blong MMR vaksin ya bae oli stat blong rollem aot ol seken dose iko long ol provins mo ol ples weh hemi hard blong health seves i saveh kasem.

Long behlaf blong Minister blong Health, First Politikol Advisor, George Bogiri, i lonjem vaksin rolaot ya, mo hemi talem seh MOH bae hemi stanap strong blong sapotem ol wok blong UNICEF mo WHO.

“Minsitry blong Health, bae hemi kivim sekn stik blong vaksin long ol pikinini kasem 5 yia blong mekem sua seh every pikinini oli stap sef.”

Hemi talem tu seh bae ministry hemi mekem sua seh ova long 95% blong ol pikinini bae oli mas tekem seken dose blong MMR.