Kavman i rilisim ofisiel polisi daereksen blong hem blong 2021 mo nekis fo yia.
Wan pres statemen we i kam long ofis blong Praem Minista i talem se hemia i beis long eria blong invesmen, agrikalja prodaksen mo value chain, edukeisen, helt mo ol nara sevis dilivari.
Mo hemia kaonsel blong ol minista ibin adoptem long miting blong hem long namba 21 May long Luganville.
Kavman i talem se prioriti polisi blong hem naoia hemi blong adresem impak blong COVID-19 mo ol nara disasta olsem Saeklon Harold mo ashfall long Tanna, we i afektem ekonomi mo laef blong ol pipol blong Vanuatu.
Mo long saed blong medium kasem long long tem, kavman blong Praem Minista Loughman i wantem fokas blong bildim bak ekonomi mo ol eria blong prioriti hemi, blong leftemap prodaksen long eria blong agrikalja, laefstok, fisheries mo forestri.
Strengthenem agrikalja value chain, olsem blong leftemap proses blong raw prodakt, leftemap investmen long agrikalja, promotem trade mo inter aelan trade, indastri mo cooperative, mo krietem ol ekonomik developmen zone.
Expandem seves sekta long bisnis long agrikalja sekta, mo ol nara sekta olsem finansiol seves.
Impruvum bisnis opotuniti mo investment environment, risilien infrastrakja, edukeisen fasiliti mo aksesibiliti, qualiti helt kea, seves dilivari, natural risos manejmen, mo sekuriti, pis mo jastis.
