Gavman bae i mas pem Foma Secretari Generol blong Pablik Seves Komisen (PSC) wan amaont blong ova 29 million Vatu from termination ino stret.
Suprim kot hemi akri blong amaont ia long wan jajmen blong las wik folem terminesen blong foma SG blong PSC ia, Jean Yves Bibi long 2021.
Long jajmen blong las wik, Suprim Kot jastis Oliver Saksak hemi orderem Gavman blong pem amaon ia from wan jajmen blong apil kot weh i kamaot long 2022 i soem seh termination blong Mr Bibi hemi no stret.
Mr Bibi hemi bin tekem posisen SG blong PSC stat long 2019.
Beh long 2020 Comission hemi bin saspendem hem folem wan allegation weh wan klina blong PSC hemi mekem akensem hem mo wan nara staff.
PSC hemi investigatem foma SG blong hem ia from allegation blong unacceptable behaviour, mo long 2021 hemi terminatem hem long risen blong serious miscontact from oli seh hemi interfere long investigation.
Suprim Kot hemi bin dismisim kes blong Mr Bibi taem hemi jalensem termination blong hem. Beh apil kot hemi rul long fava blong hem taem hemi apilim kes ia. Long jajmen weh ikamaot las wik, suprim kot hemi orderem Gavman blong mas pem total klem blong foma wokman ia within 30 deis blong jajmen ia.
