Mein agenda hemi blong tokabaot ol helt wokfos insaet long ol Asia mo Pacific kaontri.
17 kaontri raon long Asia mo Pacific weh insaet i kat ol Helt Minista, Spika blong Palimen wetem ol Paliamenterian oli pat long 2 dei forum ia long Port Vila.
Long 2 dei forum ia oli tokbaot ol wei long hao Asia mo Pacific oli usum ol resos blong olgeta long ol institutsen blong olgeta , blong asistem ol kaontri weh oli nidim moa asisten long helt wokfos.
Direkta Generol blong Ministi blong Helt, Dr Posikai Samuel, i pointem aot impotens blong ol Hon Memba oli tokabot ol legislesisen mo hao oli saveh stakjerem ol diskasen insaet long wan palimen siting.
Part blong forum ia, tim i visitim 2 helt centa long Efate, Saupia Helt centa long Paunganisu, mo Amauri Dispenseri long Lelepa Aelan.
Dr Posikai i talem seh visit blong olgeta long tufala helt centa ia hemi blong showkesem hao ol man vanuatu oli providem seves,mo oli kat janis blong sherem ol jalenj blong olgeta wetem tim blong kat hope seh ol jalenj ia oli mas stap insaet long ol parlimen diskasen.
VBTC nius i toktok wetem Nurse in jaj long long Saupia Helt centa, Blandine Taribu, mo hemi i sharem long ol team seh mein jalenj blong olgeta hemi pua wok fos folem ikat 4 long olgeta nomo oli wok blong providem seves iko long ova 11,000 long populesen insaet mo aotsaet Efate.
Registered nurse long Amauri Dispenseri Lelepa aelan, Risko Pakoa, i talem seh mein jalenj hemi wota sos long Aelan.
Asia Pacific Parliamentarian Forum on Global Helt hemi stap tekem ples everi yia mo Vanuatu hemi seken kaontri long Pacific blong hostem iven ia.
