Saturday, February 8, 2025
25.1 C
Port-Vila
Saturday, February 8, 2025
More
    Saturday, February 8, 2025

    FES politikol muv afta long referundom

    Jans blong gat wan motion naoia hemi kodaon bakegen folem muv weh hed blong Gavman, Hon Praem Minista Charlot Salwai hemi mekem blong reshufflem or mekem ol jens insaed long coalisen blong hem.

    Ol jens ia i stopem janis blong save gat wan mosen blong nogat trast long Gavman mo janis blong gat wan niu Gavman 3 manis nomo afta long referandom.

    Hemi stap soem tu ol efek blong ol amendmen weh referandom i mekem from hemi fes taem weh i gat muv blong ol pati nomo beh i no ol singkel MP.

    Long las naet Praem Minista hemi putum Hon. Samson Samsen i kam niu minista blong Edukesen mo yang MP Hon. Xavier Iauko i kam niu minista blong Agriculture.

    Tufala nara reshuffle i lukim Hon. Ralph Regenvanu i step daon, mo Hon. John Salong i kam minista blong Klaemet jens.

    Hon. Johnny Koanapo iko minista blong Finance mo Hon. Andrew Napuat i kam minista blong Internal Affairs.

    Ol muv ia i mekem seh naoia tufala MP blong Union blong Moderate Pati, MP Nako Natuman, mo MP Anatole Hymak i lusum ol Ministerial pofolio weh tufala i bin holem.

    Tufala MP blong UMP ia i bin tekem tufala portfolio ia long taem blong unity Gavman weh UMP hemi bin pat long hem.

    Beh President blong UMP Ismael Kalsakau hemi bin muv i go long opposition mo tufala MP blong hem ia i bin stap wetem Gavman blong Salwai kasem taem hemi karemaot portfolio blong tufala yestedei.

    Pablik rilesen ofisa blong Gavman Hillaire Bule hemi talem long VBTC Nius seh namba blong ol MP long Gavman naoia hemi 31.

    Mr Bule hemi seh tufala MP blong UMP i no stap insaed long namba ia from UMP hemi no pat blong agrimen weh ol pati blong gavman oli mekem las naet.

    Ol jenis ia i mekem seh evri MP oli stap naoia wetem ol Presiden blong ol pati blong olgeta olsem weh Article 17 A weh i pas long referandom i talem.

    Folem muv blong Gavman naoia i gat 2 president blong pati weh hemi MP Jotham Napat blong Leaders Pati mo MP Ralph Regenvanu blong graon mo Jastis weh tufala i stap insaed long gavman beh tufala i no holem wan ministri.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations