Ministri blong Edukesen mo Trening (MOET) i kam aot long pablik tudei blong mekem sam clarifikesen folem toktok we Minista blong Edukesen hemi talem long Palamen long wik ia.
Stetmen blong MOET tudei hemi talem se ino intention blong Minista blong Edukesen, Hon. Anatole Hymak blong givim wan speech we hemi daonem raet blong ol student blong jusum wan stadi we aotsaed long Kavman prioriti.
Ministri hemi putum aot se hemi no intention blong Minista tu blong putum daon Pravet Sekta mo Kavman sekta.
Hemia hemi folem fes Extraodineri sesen blong Palamen we lukim Minista blong Edukesen hemi talem se eno obligesen blong Kavman blong finem wok blong ol student we oli ko stadi ovasea.
Folem stetmen we MOET i putum aot long sosel i talem se emi risponsibiliti blong Kavman tru long MOET blong trenem olgeta human risos blong kauntri mo ino mata long sekta we wan student hemi jusum blong futja wok blem.
Long stetmen i talem tu se badjet blong Skolasip Ofis long yia 2020 – 2024 hemi no jenis folem inkris blong namba blong populesen mo hae namba blong ol studen blong stadi ovasea.
Anda long lidasip blong Minista, Skolasip Ofis hemi givim Kavman Skolasip kolo ova 400 student we kasem wan namba blong 1,600 student long yia ia.
Desisen blong sendem wan hae namba blong student bae nidim wan supplementari badjet be Minista Hymak hemi luk se hemi obligesen blong Kavman blong givim mane blong ol student.
Long taem oli pasem badjet long Palamen, Minista hemi stanap strong blong talem se hemi no kat obligesen blong provaedem ol wok blong ol student taem oli finis skul ovasea.
Folem bigfala mane blong pablik fan we oli spendem long Skolasip, Minista hemi biliv se i impoten blong mekem criteria blong Skolasip hemi moa strong blong mekem ol student oli tekem ol stadi long ol impoten field we hemi ol Kavman prioriti naoia.
Wan exampol hemi, afta long 43 yia blong Indipendens, Vanuatu nogat olgeta Cardiologists mo Diabetologists long hospital mo ol kaen wok hemi wan impoten nid long Kavman.
Minista hemi wantem sapotem impotens blong employmen long Vanuatu blong ol yut mo hemi talem se hemi duti blong Kavman tru long ol agensi blong karemaot olgeta polisi mo bildim wan enviromen we hemi save givim wok long wan yut.
Stetmen hemi talem tu se hemi risponsibiliti blong Kavman blong bildim olgeta indastri, ol factori mo bisnis blong givim ol wok long Praevet mo Kavman sekta.
