Sunday, April 14, 2024
26.8 C
Port-Vila
Sunday, April 14, 2024
More

    Divisen blong society hemi mein kos blong instabiliti long bifo i kam : Dr Nimbtik

    Deputi Direkta General blong Melanesian Spear Hed Grup, Dr Gregoire Nimbtik hemi tokbaot hao divisen we kosem instabiliti hemi exist longtaem finis long taem blong Pre-Condominium.

    Dr Nimbtik, olsem wan guest spika long VBTC Press Klab show tudei, hemi serem tingting blem long hao kauntri blong yumi istap kat fulap instabiliti finis longtaem bifo i kam.

    “Mi wantem karem mind blong yumi kobak long pre-Condominium blong yumi,” hemi talem.

    “Sapos yu tingting long society blong yumi, we are so fragmented, yumi neva interact wetem each other.

    “Ino kat contact between ol man Malekula wetem ol man Tanna, ol man Ambae wetem ol man Pentecost, hemia emi so limited.

    “Yumi kat 110 diferen dialects (lanwis) we hemi preventem interaction mo communication blong yumi between each other.”

    Hemi tok moa se folem longfala rod we ikam kasem Independence, ikat fulap conflict we ol apu blong bifo oli fesem, olsem tribal fighting, cannibalism mo sam moa.

    “Be traem luk long histri blong yumi kasm 1906, we are fragmented societies so divisions mo instability ia sapos yumi wantem lukluk long roots blem, hemi stat wei bak.

    “It has nothing to do with movement blong political parties tudei we wan memba i muv iko.”

    Dr Nimbtik hemi talem se long taem bifo taem yumi divided hemi semak nomo kasem tudei, from nomo se yumi clasifiem yumi anta long diferen ples blong yumi mo i nogat unity istap.

    Modereator blong Press Klab Show we hemi Executive Director blong Balance of Power, Jennifer Kalpokas Doan hemi explenem gud se taem wan man istap long Vanuatu hemi identifiem o signaotem hem wan olsem “Man peles long aelan ia” be taem hemi ko ovasea hemi identifiem hem olsem “Man Vanuatu,” ples ia nao yumi luk save divisen istap lem.

    Mrs Kalpokas hemi tok moa se yumi kat divisen tu long saed blong ol man we toktok English mo French, ol kaen label olsem i mekem se i had blong ol pipol save wok tugeta.

    Long saed blong hao instabiliti istap afektem politikol sistem blong yumi, Dr Nimbtik hemi talem se folem context we yumi inheritem se instabiliti i stap longtaem finis long kauntri mo hemi tru long tumas divisen long society, i afektem politikol kalja blong yumi taem yumi bin introdusem wan niu politikol system insaed.

    Hemi explenem se from se yumi stap pulum westernization (samting aotsaed o whiteman influens) mo olgeta value ia insaed long politikol sistem blong yumi i mekem se bae yumi luk Vanuatu olsem wan kauntri blong Experiments, mo Trial and Errors.  

    Hemi endem toktok blem se muvmen blong pati hemi kat smol efek nomo long instabiliti we istap finis mo wei fowod hemi blong wok tugeta.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen