Kontribusen blong kakai ia i bin tekem ples yestete we emi araon 200 bag we emi olsem pat blong relief saplae we ikam long ol pipol blong Torba Provins blong respon long klasta blong fud igo long ol pipol we oli bin victim long Etkwek long Shefa.
Ol kakai ia igat Banana, Wael Yam, Taro, Kumala, Pumkin,Drae Kokonat, Rice mo plante mo.
Diocese Secretari blong Banks mo Torres ,Sam Blondell italem long VBTC NIUS se kontribusen blong kakai ia olsem rilif saplae blong Diocese blong Banks mo Torres.
“Yestete ol komuniti long Motalava, Vanualava, long Wes Vanualava, mo long Gaua, yumi stat blong mobolaizem ol komuniti blong putum tugeta sam kakai olsem bae hemi kam olsem ol rilif sapale blong helpem mo assistem ol humanitarian nid weh hemi stap olsem ko long ol viktim blong etkwek long Port Vila. Yumi no targetem ol memba blong jej nomo yumi kivim ol kakai ia blong helpem anywan weh i stap long nid long Port Vila.”
ACOM or Anglican church Of melenesian nao i arenjem transpoteisen ia ship Southern Cros blong pick map ol kakai ia.
“Jej blong ACOM hemi anka aotsaet ia mo hemi kam pepesli blong yumi help blong kontribute blong ol kakai so hemia nao yumi stap luk wanem weh hemi stap naoia ol staf oli stap help blong pakejem ol kakai mo ship bae hemi aot naoia iko long Wes Vanualava, Gaua, Motalava blong pikimap samo kakai befo i ko long Santo.”
Ship ia i aot long Sola yestete blong pik up long West Vanualava mo Gaua mo olwe long santo.
