Sunday, May 19, 2024
29.8 C
Port-Vila
Sunday, May 19, 2024
More

    Bus fea hemi stil stap long 150VT nomata long wanem taem long dei o naet

    Pablik Land Transprt Authority hemi talem seh oli no saveh act long eni social media post, konsenem ol pua seves blong ol bus draeva.

    Wan famous story weh hemi stap rul naoia long ol social media platform olsem Tiktok mo Facebook, hemi about wan bus draeva weh hemi ova jajem wan kapol long naet.

    Long wan distance long National Bank blong Vanuatu long Port Vila taon kasem Malapoa Waetwut.

    Mo ol komen weh hemi kam long pablik folem post ya, oli stap questionem weta spos Public Land Tranport Authority or PLTA ofis hemi saveh putum disipline aksen long bus draeva ya.

    Chief Executiv Ofisa blong PLTA, Reginald Tabi, i talem seh ofis hemi no saveh act long ol social media post kasem taem weh komplainee hemi raisem up komplen long PLTA ofis.

    Hemi talem seh “update so far umi stil stap wait long gel blong hemi kam fowod, umi storian finis wetem owna o draeva blong bus, but umi stil stap wait long gel blong hemi mekem wan formal report long ofis.”

    “I gud umi postem long social media, beh hemi moa proper blong kam long ofis, blong mekem wan report olsem bae umi saveh follem ap wetem owna mo mekem wan report iko long bod, blong bod hemi saveh mekem wan disiplinary action akensem draeva follem level blong ofens weh hemi komitim.”

    Mr Tabi hemi talm seh spos pablik hemi no approachm ofis folem ol fasin weh ol bus draeva oli stap mekem fasin ya ba hemi no saveh stop.

    “Taem weh umi no saveh kam long ofis blong mekem wan report, bae umi look seh ol fasin olsem bae hemi saveh kontinu.

    “From bae oli saveh seh bae u post long social media nomo bae u nosaveh kam report long ofis mo ofis bae no saveh mekem wan action, from i nokat eni formal report weh hemi kam long ofis.”

    Follem wetem post long social media, bus draeva ya hemi jajem kapol ya wetem 1,500VT, mo Mr Tabi hemi konfemem seh ol bus fea hemi stap yet long 150VT no mata long wanem taem long dei o naet

    Mr Tabi hemi talem seh “hemya blong konfem wetem pablik seh ino kat eni praes weh umi saveh putum weh hemi wan after hour rate.

    “Eni taem weh bu draeva hemi taelm seh hemi jajem u long eni taem blong dei o naet, afta hours rate hemi stil stap long 150VT long ol distens raon long daon.

    “long ol eria aot long daon yana bae jaj hemi 200VT.”

    Mo wetem wan folow up wetem inkris blong bus fea aot long 150 iko long 200vt

    Board blong PLTA hemi stap wait long Minister blong Internal Afea blong ko tru long proces ya mo kivim green laet long bod blong oli saveh saenm mo bae oli letem pablik hemi saveh.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen