Sunday, May 19, 2024
28.8 C
Port-Vila
Sunday, May 19, 2024
More

    Biosecurity i konfemem se Santo i nogat kokonat bitel

    Biosecurity i konfemem se i nogat coconut rhinoceros beetle long Santo.

    Folem olgeta post long social media se ol lokol i luk kokonat bitel ia long Pelmol Saot West Santo, Senior Plant Helt Ofisa mo semtaem Acting Daerekta blong Biosecurity i talem se tim i bin go mekem jek mo faenem se hemi no CRB.

    “Afta long visit blong ol boy, yumi save konfemem se hemi no coconut rhinoceros beetle be hemi wan bitel we yumi kolem senturas we hemi afektem kokonat be ol damej blong hem i no serious olsem kokonat bitel. So wetem ripot we ol boy oli kam wetem bae yumi save konfemem se hemi no bitel ia,” Mrs Manses i talem.

    Mrs Manses i talem se blong stopem spread blong kokonat bitel ia long ol nara aelan blong Vanuatu, pipol i sut rispektem ol ministerial oda we i stap espeseli nao ol ship owna.

    “Long taem naoia, yumi gat ministerial oda we hemi stap mo yumi talem tankiu long ol owna blong ol ship wetem jeneral pablik we hemi asistim yumi blong komplae wetem oda we hemi stap,” Mrs Manses i talem.

    “Oda hemi steitem se afta long 4pm bambae ol ship i no lego aelan blong Efate blong oli kam long ol nara aelan from we bitel hemi wan insek we hemi olsem ol nara wan we i save flae folem laet.”

    Long wik ia bae oli putum aot sam vaeras wetem ol bitel blong katem daon namba blong kokonat bitel ia long Efate.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen