Vanuatu Broadcasting mo Television Corporation (VBTC) hem i nasonal brodkasta blong Vanuatu. VBTC hem i brodkastem ol strong nius, eduketem mo provaedem entatainmen i ko long populesen blong Vanuatu tru long radio, television mo online.
Hem i stap olsem only emejensi brodkasta.
Ni-Vanuatu pipol i mekem nius blong VBTC, blong olgeta pipol blong Vanuatu. Hem i wan forum blong olgeta pipol blong Vanuatu blong kivim tingting, vois mo konsen blong olgeta long politik, kalja mo developmen blong Vanuatu.
Histri blong vbtc
1914
Ol bakraon blong VBTC i ko bak long Radio Vila Stesen, we hem i bin brodkas long Fes Wol Woa.
1966
Stat long 1966, Radio Vila hem I brodkas long wan niu transmita long Malapoa Point, aotside long Port Vila.
1977
Oli bin jenisim nem Radio Vila i ko long Radio New Hebrides Broadcasting Seves .
1980
hem i kam Radio Vanuatu long Independence long 1980.
1993
VBTC hem i kam wan koporesen long 1993 wetem eim blong mekem bisnis blong kasem mane. Loa we i lukaotem VBTC hem i Broadcasting and Television Act we hem i kam anda long kea blong Prime Minister we hem i minista responsibol long broadcasting.
Television Blong Vanuatu hem i only nasonal television brodkasta we hem i bin stat blong brodkastem nius, karen afeas mo spot long Port Vila long 1993.
2009-2019
Long 2009, VBTC hem i lonjem Paradise 98FM blong hem blong expandem radio brodkas blong hem. Hem i wan komesel music mo yut stesen. Mo long 2019, VBTC hem i lonjem fes Pacific radio stesen blong woman – Femme Pawa 99FM – hem i blong alaowem ol pipol blong Vanuatu mo ol woman blong serem tingting mo stori blong olgeta.
Governants
Kavman hem i onem VBTC be hem i lukluk long on editoriel mo nius brodkas we hem i fri long ol influens aotside. Fanding blong VBTC hem i kam long Vanuatu Kavman, Foren Eid mo tru long advetaesing reveniu long ol Kavman Dipatmen mo ol komesel advetaesa.
Wan bod we Vanuatu Kavman hem i appointem, hem nao i ovalukim wok blong VBTC.
Board memba weh oli stap naoia
John TAU – Chairman
Relvie POILAPA– Vice Chairman
Armstrong MASSANGA – Director
Hilaire BULE – Director
Gerard METSAN – Director
Manejmen tim
Chief Executive Officer – Mr. Francis Herman
Digital & Operations Manager – Mr. Warren Roberts
Head of Content – Mr. Stephenson Liu
Commercial Manager - Mrs. Sussie Sewere
International Relations – Mrs. Lilon Bongmatur
Ol Sevis blong mifala
Televisen Blong Vanuatu
TBV
Televisen Blong Vanuatu hemi fes televisen stesen blong kantri sins 1992
