Vanuatu Chess Federasen (VCF) hemi kwalifi blong kam wan memba blong Intenasenol Okanisesen blong Chess mo kat janis blong tek pat long ol gem raon long wol.
Tim blong Vanuatu hemi luk fowod blong tek pat long nekis Tounamen blong Chess long Budapest, Hungary.
Wetem ova 400 memba finis long Vanuatu Chess Federasen, oli stap traem blong resemap mane blong olgeta i save tek pat long ol inenasenol gem.
VCF Sekretari mo semak taem wan tija blong chess, Jeremy Ellison hemi talem se chess hemi wan gem we hemi nidim fulap fokas mo concentrasen.
“We are super excited, what it means pretty much is that we can host tournaments here in Vanuatu and participate in tournaments overseas,” hemi talem.
Mr Ellison hemi tok moa se oli stap lukluk blong karem mane blong save gro wok blong olgeta, mo save tijim ol pikinini long skul long hao blong ple chess.
“We really want to get a group of five guys and a coach, and five girls plus their coach, we will also need to do a lot of fundraising for this event, getting flights there is expensive, but we are excited, if we’re meant to go, we’ll go, but if not, we’ll make preparations for 2026.”
Be naoia i stap olgeta i stap faenem sam pipol we olgeta bae i intres long gem blong chess, mo bae oli hostem wan smol tounamen blong faenem ol memba bifo samtaem long nex manis.
Membasip blong Vanuatu hemi joen Intenasenol Okanisesen blong Chess i stat long December 2023.