Thursday, June 13, 2024
25.8 C
Port-Vila
Thursday, June 13, 2024
More

    Vanuatu bae i kat moa ren long olketa manis we i kam

    Vanuatu Meterology mo Geo Hazards Department i talem se bai Vanuatu i kat moa ren long September kasem nekis yia.

    Acting Director blong Meterology mo Geo Hazards Department, Allan Rarai i talem se everi yia long manis August kasem September hemi drae sesen long Vanuatu mbe long yia ia yumi luk se i kat ren mo hemia i link long developmen blong La Nina we hemi sesen blong ren.

    Hemi talem se oli putum aot fes advisory blong La Nina long wik ia folem weta paten ia.

    ” Ful impak blong hem bae Vanuatu i kasem long manis blong October i ko,” Mr Rarai i talem.

    ” Wetem olgeta ren we Vanuatu bai i ko tru long hem, bai i save mekem flood mo landslide long ol aelan blong Vanuatu.

    “ Mo hemia i bin hapen finis long sam ples olsem long saot Maewo mo narafala ples we i gat flood long hem.”

    ” Wetem hemia, yumi expektem blong kat moa ren kasem araon long February 2021 olsem, “ Mr Rarai i talem.

    “Naoia we mi stap toktok La Nina i stap long 70 percen mo hemi no develop gud yet mbe i kat high janis blong hemi fuli develop yet mo taem hemi develop fulwan bae yumi expektem moa ren.

    “ Naioa yumi stil stap insaed long dry sesen blong yumi we hemi araon long May kasem October mbe no mata se yumi kat drae sesen bae i stil kat ren.”

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen