Tuesday, April 16, 2024
24.8 C
Port-Vila
Tuesday, April 16, 2024
More

    Trial constitutional kes-September

    Trial blong constitutional kes blong jalenjem advaes blong Council blong ol Minista i ko long Presiden blong Palemen dissolution bae i tekem ples long September 2 long 9am.

    Konferens blong Supreme Court blong Vanuatu i harem tete moning se i kat wan kes.

    Jif Justice Vincent Lunabek i seitem deit ia blong harem trial blong constitutional kes namba 2240 blong 2022.

    Lawyer Edward Nalial we i ripresetem 27 foma Memba blong Palemen i talem long konfrens blong kot se i kat tri raet we klaean blong hem i biliv se disisen blong disolvem palemen i brekem raet blong olgeta.

    Feswan, hemi long Atikol 21 (3) we hemi abaot rikwes long koling blong siting blong Palemen, namba 2 hemi long Atikol 43 (2) abaot moson blong nokat tras mo raet blong muvum wan moson, mo namba 3 hemi long Atikol 28 (3) rigadem advaes blong Council blong ol Minista i ko long Presiden blong Disolvem palemen.

    Long Frade wik ia, Atoni Jenerol long bihaf blong Presiden mo Steit blong Vanuatu bae i faelem rispon mo long Monday nekis wik bae i faelem ol swon stetmen.

    Wan wellknown Journalist mo tija long Griffit Universiti, Tess Newton Cain i talem long VBTC News se Vanuatu hemi gat gudfala histori long saed blong Kot system taem i kam long wan Constitutional Kes from oli dil wetem long wan stret wei.

    Mrs Cain i talem se ol politikol pipol oli luksave wok blong kot.

    Twenty Seven Memba blong Palemen i jalenjem disisen blong Palemen dissolution.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen