Torres aelan i askem moa flaet long festive sisen ia folem hae namba blong travel.

Lokol we i no wantem nem blong hem i kamoat i talem long VBTC Nius se Torres aelan i gat wan flaet nomo long Mandei evri wik mo hemi no naf.

“Plante pipol we oli wok mo oli spel mo ol studen we oli vinis skul oli wantem kobak long Torres mbe hemi hard from taem oli wantem ko buk be oli se flaet i klos from i fulap,” hemi talem.

‘”Long pas yia, Air Vanuatu i bin stap mekem ol supplementary flaet mo i gud blong oli mekem bakegen.”

Hemi talem tu se plante parcel i stak i stap long Santo sins Novemba.

Air Vanuatu i talem se nomol flaet blong Torres i ko hed be blong gat moa flaet oli no save yet.