Thursday, June 13, 2024
24.8 C
Port-Vila
Thursday, June 13, 2024
More

    Tonga bae i ko long lokdaon

    Kingdom blong Tonga bae i ko long wan lokdaon long 6pm tete Wednesday.

    Prime Minista blong Tonga, Hu’akavameiliku mo Minista blong Health, Dr Saia Piukala, i holem wan media konferens long Tuesday naet blong anaonsem nius ia long wan media.

    Tufala i konfemem tu kes blong COVID-19 i ditek tru long routin tes long wharf blong Nuku’alofa.

    Prime Minista Hu’akavameiliku i odarem oda ia.

    Dr Saia Piukala i talem se 50 pipol i tes positiv olsem pat blong routin surveilens mo tu positiv kes blong COVID-19 oli faenem.

    Speaka blong Haos long Tonga, Lord Fakafanua we i stap long Auckland, New Zealand blong kobak long Tonga i talem long RNZ Pacific se tufala positiv kes mo ol famili i stap naoia long isolation long wan army beis.

    Tonga i ripotem fes positiv COVID kes las yia afta long wan flaet we Air New Zealand i kam long Christchurch.

    Tonga i stap rikawa naoia long Hunga-Tonga- Hunga Ha’apai volcano erapsen we i kosem tsunami mo damejem ol vilij, resot mo komunikesen i ko daon long kaontri ia we i kat 105,000 pipol.

    Tri pipol i ded olsem risal blong disasta we i hapen long January 15.

    I kat sam kaontri inkludum New Zealand i sentem aid wetem strik COVID-19 protocol.

    -RNZ-

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen