Malvatumauri Council blong ol Jif i kolem ol jif raon long kaontri blong sapotem ol pipol we oli lusum wok folem COVID-19.
President blong Malvatumauri Council blong olketa Jif, Jif Willie Grey Plasua, i talem se “Wael kavman i stap faenem rod blong helpem kaontri, mi stap kol long ol jif tru aot long Vanuatu blong mas helpem kavman.”
“Council blong ol Jif i kat konsen tu long crisis blong COVID-19 we i afektem tu sam famili long ol urban eria olsem Port Vila mo Luganville from oli nokat wok,” Jif Plasua i talem.
“Yumi ol jif i mas responsibol blong lukaotem ol pipol we oli stap anda long yumi mo faenem ol ples blong putum olketa sapos situasen blong COVID-19 pandemic i kam wos.
“Mo from hemia , i gud blong pipol tu i mas pripea long olsem wanem blong survive long situation olsem.
President blong Malvatumauri Council blong ol Jif i mekem kol long olketa we oli fesem jalenj long urban area blong ko bak long ol aelan blong olketa mo liv long wan gud fala laef we i moa jip.
Hemi talem se hemia hemi olketa we oli no wok.
“Mi wantem talem long yumi ol citizen we yumi liv long ol urban center mo stap nating nomo se i kat ol gudfala wealth blong yumi blong kastom i stap long ol aelan blong yumi mo i sef i stap,” Jif Plasua i talem.
“ Ol bubu blong bifo i bin liv long traditional wealth mo hemi no lus yet mo hemia i wan wei tu blong hemia i wan wei tu blong enkarejem ol pipol blong developem graon long ol aelan.
“Wei blong safaev long mani hemi long town nomo olsem Port Vila mo Luganville mbe long ol rural eria i no mani nomo blong yumi save safaev long hem.
Malvatumauri Council blong ol Jif i talem se bifo situasen i ko worst, ol pipol i mas akt.
