Sunday, April 14, 2024
24.8 C
Port-Vila
Sunday, April 14, 2024
More

    Luganville wota problem

    Luganville taon long Santo i nokat wota long las faev dei.

    Situesen i kam wan big konsen long ol bisnis haos we oli operet long noten taon mo oli dimandem kavman blong stretem problem ia kwiktaem.

    Wan longtaem bisnisman long Luganville, David Lam i talem se i nidim fix.

    “Faev dei i nokat wota long Santo from yumi nidim wota blong flashem toilet ia,” Mr Lam i talem.

    “Espeseli long ol hotel, i nokat shawa from wota i nogat. Bae oli swim olsem wanem sapos i kat ol turis? Hao nao bae yu tokbak se oli promotem Santo we i nokat wota. Naoia evri wik Luganville town wota i wokem kat witaot woning; pawa i kat long 6o’klok long naet kasem 10 ale i kambak bakegen. Hao nao bae yumi kuk tu.

    Makatni Aka, Maneja long Dipatmen blong Wota Risos long Santo, i talem se oli faenem pat blong paep we i brok mo long wiken ia bae oli fixim.

    “Mi stap konfem se yes i bin kat sam damej long mein pipe long town we i saplae i kam long tank,” Mr Aka i talem.

    “Ating isu i reis, mifala i nokat ol fitting we stap long stok mo ol saplae long Luganville. Mifala i wok wetem olgeta long Vila blong oli givim sam fiting. Mo tu dei i pas mifala i stil wet blong mekem sam ripea wok.”

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen