Sunday, April 14, 2024
28.8 C
Port-Vila
Sunday, April 14, 2024
More

    Low presa blong pas long Vanuatu

    Wan low presa long Not blong Fiji bae i pas Saot West bitwin Fiji mo Vanuatu long ol dei i kam.

    Duty Forecaster long Meteo Dipatmen, Ellen Luke, i talemaot se long steij naioia, i nokat eni janis blong kam wan Saeklon.

    “Ating sam long yumi oli stap lukluk long sam model we oli stap soem se bae low presa ia i muv Saot West i kam long Vanuatu mo bae tanem direksen blong hem mo muv Saot East,” Mrs Luke i talem.

    “Yumi stap lukluk nomo long hem yet. Mo janis blong hemi kam wan Saeklon long nekis faev dei i low yet.

    “Naoia low presa ia i no stap long eria blong Vanuatu mbe i kat nomo truf we i luk plante kload i mekem ren long kaontri we i konek wetem wan saeklon we i jes pas bitim Vanuatu mo stap naoia long Saot East Australia olsem wan low presa.”

    Mrs Luke i talem se bae truf ia bae i stap long eria blong Vanuatu kasem nekis wik.

    Hemi talem se pipol i save lukim flood long sam eria blong kaontri from bae i plante kload.

    Vanuatu i stap long saeklon sisen blong hem we i stat long Novemba kasem April.

     

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen